Iloilo provincial government, may mga tikang na agud mapapauli ang mga Ilonggo OFWs nga na-stranded sa iban nga probinsiya bangud sa Enhanced Community Quarantine

By: JoMaque | Abril 7, 2020

ILOILO – May ginahimo na nga tikang ang Provincial Government upod ang Overseas Workers Welfare Administration (OWWA) agud mapapauli sa Iloilo ang mga seafarers kag iban pa nga OFWs nga naabtan sang Enhanced Community Quarantine bangud sa COVID-19 sa iban nga probinsiya.

Suno kay Provincial Administrator Atty. Suzette Mamon, wala na sang problema bangud nakapa-idalum naman sa quarantine ang mga natungdan kag mahimo na sila makapauli sa Iloilo.

Pero i-test sila pag-abot sa Iloilo kag liwat nga magpa-idalum sa 14-day quarantine agud masiguro nga safe sa COVID-19.

Sa subong suno sa iya, gina-consolidate na ang listahan sang mga na-stranded nga Ilonggos sa iban nga lugar.