By: Aine Grace Bravo | via Aljohn Torreta

LAMBUNAO, Ilo., April 7, 2020 — Naka-engkwentro sang mga suldado sang Philippine Army ang mga miembro sang New People’s Army sa Sitio Aguilan, Barangay Panuran, Lambunao 5:45 kaina sang kaagahon.

Suno kay Captain Cenon Pancito III, Spokesperson sang 3rd Infantry Division, napatay si Private First Class Mark Nemis sang Madalag, Aklan sa engkwentro.

Nagahimo sang security patrol ang 301st Infantry Brigade sang nagluntad ang engkwentro.

Gin-ako ni Jorie Guerero sang Jose Percival Estocada Jr Command sang NPA-Central Panay nga sila ang naka-away sang mga soldado. Sakup suno sa iya sang ila area of operation ang lugar kag nagahimo sila sang information dissemination natuhoy sa COVID-10 sang natabu ang engkwentro.

Na-recover sang Army sa lugar ang isa ka M16 rifle kag backpack.

Nagdeklarar sang ceasefire si Presidente Rodrigo Duterte sa NPA bangud sang COVID-19 threat. Nagmandu man ang Communist Party of the Philippines sa ila armed wing nga NPA nga mag-observe sang ceasefire.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.