By: Aine Grace Bravo | via BBB

PAVIA, Ilo., April 8, 2020 — Ginkumpirmar ni Pavia Mayor Luigi Gorriceta nga may mag-asawa sa ila banwa nga nag-positibo sa COVID-19.

Suno kay Gorriceta, kahapon lang naguwa ang resulta sa mag-asawa nga may close contact kay Western Visayas 11, ang 72-anyos nga lalaki halin sa Mandurriao nga napatay sang Marso 21. Wala sang nabatyagan nga sintomas ang 50-anyos nga bana kag 52-anyos nga asawa.

Marso 17 sang naka-contact si WV11 sa mag-asawa nga upod niya sa kumpaniya. Naga-home quarantine ang mag-asawa suno kay Mayor Gorriceta.

Nagapadayon naman ang contact tracing sang LGU.

Abril 5 suno kay Gorriceta sang nakabaton siya sang tawag kay Iloilo City Mayor Jerry Treñas kag nagpahibalo nga may close contact ang mag-asawa kay WV11 rason ginkuhaan nila sample para sa COVID-19 test.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.