By: JoMaque | Abril 9, 2020

Passi City — Ginkumpirmar ni Passi City Mayor Stephen Palmares nga may tatlo ka residente sa ila syudad nga may exposure kanday WV37 kag WV38 COVID-19 patients nga halin sa Pavia.

Una na ginkumpirmar ni Pavia Mayor Luigi Gorriceta nga mag-asawa kanday WV37 kag WV38 kag may close contact kay WV11 (72-anyos nga lalaki halin sa Mandurriao nga napatay sang Marso 21).

Suno kay Palmares, wala sang sintomas ang tatlo ka mga pumuluyo sa Passi City nga may exposure.

Gina-monitor sang City Health Office ang tatlo ka mga pumuluyo nga naka-home quarantine.

Nagmandu man ang alkalde sa barangay officials nga siguraduhon nga separado ang tatlo ka mga residente sa iban nga miembro sang ila pamilya.

I-monitor man ang tanan nga may close contact sa ila.

Sandig sa guidelines sang Department of Health, kinahanglan i-test ang mga may close contact sa kumpirmado nga COVID-19 patients.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply