Iloilo Terminal Market, liwat nga ginbuksan

By: JoMaque | Abril 12, 2020

Iloilo City—Liwat nga ginbuksan ang Iloilo Terminal Market umpisa subong nga adlaw.

Bukas ang merkado halin las-5:00 sang aga tubtob las-5:00 sang hapon.

Suno kay Mr. Ariel Castañeda, head sang Local Economic Enterprise Office, wala pa natapos ang pagpanglimpyo sa terminal market, apang puwede na ini maka-operate.

Una na ginpabutyag ni Castañeda nga plano sang LEEO nga magbutang sang foot bath sa entrance sang mga merkado publiko sa syudad kag mag-conduct sang disinfection adlaw-adlaw bilang mga tikang agud malikawan ang COVID-19.