By: JoMaque | Abril 13, 2020

Culasi, Antique — Arestado ang lima ka lalaki lakip ang Punong Barangay, sang nadakpan nga naga-inom sa birthday party sa Barangay Centro Norte las 4:30 sang hapon sang Abril 12.

Ginkilala ang arestado nga sanday Frenz Roy Lomugdang; Rafael Cabangon; Avelino Bermudez; Lloyd Eric Salazar, nalakip man sa nadakpan si Punong Barangay Julius Eric Tamba sang Barangay Jalandoni.

Suno kay Police Captian Bryan Alamo, nakabaton siya sang text message halin kay Mayor Jose Joeffrey Lomugdang sang Culasi nga i-check ang iya warehouse sa amo nga Barangay kun may ara gid man sang naga-inom bangud nakabaton man siya sang mensahe nga nagahiwat sang birthday party kag naga inom-inom ang iya mga personnel.

Sang ginkadtuan sang Culasi Police ang lugar, nadakpan nila ang mga naga-inom.

Ginpaandaman na ni Mayor Lomugdang ang iya mga personnel nga indi mag-imbitar sang mga outsiders kag indi mag-inom.

Gindala sa Culasi Police Station ang lima nga nagkadakpan.

Ginpalab-ot naman ni Alamo sa LGU sang Culasi ang natuhoy sa Punong Barangay nga nadakpan.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply