By: Aine Grace Bravo | via Hotline

ILOILO, April 13, 2020 — Nangin ghost district ang bilog nga quinto distrito kahapon bangud sang ginpatuman nga ‘Quinto Sunday Total Quarantine’ sa 11 ka kabanwahanan.

Ini ang ginpahibalo ni Concepcion, Iloilo Mayor Raul Banias kasunod sang good compliance sang mga alkalde sa 5th District.

Sa iya nga pag-istorya sa mga alkalde nga katapo sang Northern Iloilo Alliance for Development (NIAD), ginpabutyag ni Banias nga nagalibog na ang ulo sang COVID-19 kun sin-o ang iya latnan bangud indi na siya makasulod sa Quinto Distrito.

Sa idalum sang amo nga programa, sirado ang tanan nga mga establisemento magluwas lang sa mga botika, klinika kada Domingo sugod kahapon, Abril 12.

Pero sa bahin sang Concepcion, ginsiraduhan ni Banias ang mga botika kag clinics. Ang mga may emerhensya lang ang ginatugutan suno sa iya nga makagguwa sa ila balay sa total quarantine.

Ginhimo ang tikang agud maproteksyonan ang mga kabanwahanan sa 5th District nga ginakabig subong nga “last frontier” sa Iloilo sa COVID-19.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.