By: JoMaque | Abril 13, 2020

Guimaras — Ipaidalum sa enhanced community quarantine ang probinsya sang Guimaras sugod Abril 15 tubtob Abril 30.

May travel regulations nga ipatuman sa pagsulod kag sa pagwa sa probinsya sang Guimaras.

Base sa Executive Order 43 series of 2020, makasulod ang mga residente sang probinsya kun wala sila nagapakita sang sintomas sang COVID-19 kag kinahanglan nga magpaidalum sila sa mandatory quarantine.

Dugang diri, pahanugutan nga magsulod ang indi residente sang probinsya kun nagadul-ong sang mga necessities kag commodities kasubong sang bulong, petroleum products, kag iban pa nga mga kinahanglanon, kag may mga emergencies nga kinahanglan kadtuan sa probinsya basta cleared sila sa COVID-19 infection.

Suno kay Guimaras Vice Governor John Edward Gando, may yara sang composite team nga i-deploy sa mga ports kag wharfs nga maga-check sa mga nagasulod sa probinsya.

Pahanugotan lang nga makagwa sa Guimaras ang may medical referral kag may emergencies.

Pasiradohan man ang mga non-essential establishments bilang kabahin sang precautionary measure sang probinsya.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply