By: Aine Grace Bravo | via Jeremae Ventar

ILOILO CITY, April 13, 2020 — Ipatuman sa siyudad sang Iloilo kada Sabado kag Domingo ang “total block off” samtang gina-implementar ang enhanced community quarantine bangud sa COVID-19.

Base sa Executive Order 63 series of 2020 ni Mayor Jerry Treñas, wala sang mahimo makagguwa sa ila pamalay magluwas sa makadto sa botika kag ospital pero dapat may dala sila nga quarantine pass kag nakasuksok sang facemask.

Wala man sang makabukas nga establishmento, magluwas lang sa mga botika kag ospital.

Ipatuman ang total block off halin las-12:01 sang kaagahon sang Abril 18 tubtob las-11:59 sang gab-i sang Abril 19 kag halin las-12:01 sang kaagahon sang Abril 25 tubtob las-11:59 sang gab-i sang Abril 26.

Ang syudad sang Iloilo, may lima ka COVID-19 cases lakip ang isa ka napatay.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.