By: JoMaque | Abril 15, 2020

Iloilo City – Wala sang may makasulod sa Iloilo Terminal Market kadungan sang total block off sa Iloilo City sa Abril 18, 19, 25 kag 26.

Suno kay Local Economic Enterprise Office (LEEO) Head Ariel Castañeda, siraduhon ang tanan nga pwertahan sa merkado kag pabantayan sa guwardiya kag mga gin-deploy nga personnel sang PSTMO.

Kumpyansa man siya nga wala sang kinawatay nga matabu sa merkado.

Epektibu sang Lunes, Abril 13, ginsiraduhan suno kay Castañeda ang mga karsada sa palibot sang Iloilo Terminal Market samtang may lain nga alagyan para sa entrance kag lain man ang alagyan sa exit.

“HALOS NAGASUNOD NA”

Halos nagasunod na suno kay Castañeda ang mga tawo sa merkado sa ginapatuman nga social distancing agud malikawan nga matapikan sang COVID-19.

Gin-ako niya nga sa una mabudlay i-control pero makita na ang pagbag-o bangud sa ginapatuman nga sistema kag may yara sang nagabantay.

Ginpasiguro man niya nga wala na nagaginutok ang mga tawo sa sulod sang merkado kasubong sang nagakahinabo antes ginpatuman ang enhanced community quarantine.

“BENTAHA SA MGA LEEO EMPLOYEES ANG TOTAL BLOCK OFF”

Ginpasalamatan ni Castañeda ang executive order ni Iloilo City Mayor Jerry Treñas nga nagapaidalom sa total block off sa Iloilo City.

Makapahuway na suno sa iya ang mga empleyado sang LEEO nga padayon ang trabaho kada Sabado kag Domingo.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply