By: JoMaque | Abril 16, 2020

ILOILO CITY – Duha ka barangay sa syudad sang Iloilo ang una nga makabaton sang pondo halin sa Social Amelioration Program sang DSWD.

Ginkumpirmar ni Ms. Terry Gelogo sang City Social Welfare and Development Office nga mabaton na sang mga benepisaryo sang BARANGAY PUNONG, LAPUZ kag BARANGAY MAGSAYSAY, CITY PROPER ang ila cash sa Biernes, Abril 17, 2020.

Suno kay Gelogo, ang duha ka barangay ang una nga nakasumiter sang “clean list.”

May 376 ka benepisaryo ang Punong, Lapuz, samtang may 77 ka benepisaryo ang Magsaysay, City Proper.

Dal-on sang CSWDO, upod sa taga-DSWD, ang kwarta sa barangay kag didto ipanghatag sa mga benepisaryo. Ginpasiguro naman ni Gelogo nga i-obserbar ang physical distancing samtang ginapanghatag ang kwarta.

Ang kada benepisaryo, dapat dala ang iya (1) kopya sang social amelioration card kag (2) photocopy sang ID card (sa may mga ID) nga may tatlo ka pirma sang benepisaryo ukon certification halin sa punong barangay (sa mga wala sang ID) nga may tatlo ka pirma sang benepisaryo.

Mapirma sa payroll ang benepisaryo kag isa-isa nga kuhaan sang litrato bilang pamatuod nga nabaton niya ang kwarta.

P6,000 ang mabaton sang kada benepisaryo sa Abril kag P6,000 sa Mayo. Pero ang Abril pa lang ang ihatag sa Biernes.

“PAANO ANG IBAN NGA BARANGAY?”
Posible suno kay Gelogo nga nagapadayon pa ang validation sa iban nga barangay gani nga wala pa sila nakapasa sang “clean list.”

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply