By: Aine Grace Bravo | via DOH

ILOILO, April 16, 2020 — Nadugangan sang isa ang COVID-19 case sa Iloilo province..// Base sa bulletin sang DOH Western Visayas, si WV42 amo ang 21 anyos nga lalaki nga close contact ni WV31 sang Miag-ao.

Ginkumpirmar ni Miag-ao Mayor Macario Napulan nga apo ang 21 anyos sang 94 anyos nga war veteran nga napatay sang Abril 5. Wala suno kay Napulan sang sintomas ang lalaki nga naka-home quarantine.

Ini ang ikatatlo nga COVID-19 case sa Miag-ao kag ika-16 sa probinsya sang Iloilo.

Magluwas kay WV42, nadugang man sa record sang DOH 6 si WV41, ang 63 anyos nga lalaki halin sa Roxas City, Capiz nga may close contact kanday WV20 kag WV33.

Kritical si WV41 nga na-admi sa ospital bangud may iban pa nga balatian.

Sa kabug-usan may 42 na ka kaso sang coronavirus disease sa Western Visayas sa diin 13 ang na-admit, 15 ang naka-quarantine, pito ang naka-recover kag pito ang napatay.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.