By: JoMaque | Abril 17, 2020

Iloilo City — Wala ginapunggan sang Provincial Government nga makapauli sa Iloilo ang mga OFWs nga na-stranded sa iban nga lugar bangud sang Enhanced Community Quarantine.

Pero gin-athag ni Provincial Administrator Atty. Suzette Mamon nga dapat sundon ang resolution sang Western Visayas Regional Task Force for COVID-19 nga mapa-idalum anay ang OFW sa COVID-19 test.

Pasugtan lang nga makapauli sa Iloilo ang OFW nga mag-negatibo sa test. Pero pag-abot sa Iloilo, i-diretso ang OFW sa quarantine facility para sa 14 ka adlaw nga quarantine.

Tuyo sini nga masiguro gid nga wala sang virus ang OFW bangud mabudlay ang mangin sitwasyon kun may makalusot nga positibo sa COVID-19. Kun matabu ini, iga-extend naman ang ECQ kag ini ang ginalikawan sang Provincial Government nga matabu, suno kay Atty. Mamon.

Nagabulig na ang Provincial Government sa OWWA sa pagpangita sang quarantine facility, suno kay Mamon.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply