Jalousie window sang Brgy. Gen. Hughes, City proper, nagkalabuka sang ginlampusan sang lalaki nga naakig bangud gin-summon sang barangay ang iya iloy
By: Aine Grace Bravo | via Jorge Cabrera
ILOILO CITY, April 17, 2020 — Nagkalabuka ang jalousie window sang barangay hall sang Gen. Hughes, City Proper sang ginlampusan sang tubo ni Alias Nonoy kaina sang aga.
Suno kay Kagawad Ranie Palomo, naakig si Nonoy sang ginpadal-an sang summon sang barangay ang iya iloy bangud sang gin-share niya nga post sa Facebook nga ginadala pauli sang mga barangay officials ang pila ka mga relief goods nga yara sa barangay hall.
Gin-athag ni Kagawad Palomo nga ginapa-ref sa balay sang mga barangay officials ang mga relief goods pareho sang manok agud indi maglain.
Tuyo suno sa iya nga paathagan sang kapitan ang iloy ni Nonoy parte diri rason nga ginpadal-an sang summon pero naakig si Nonoy.
Wala na naabtan sang mga pulis kag mga barangay officials ni Nonoy sang ginkadtuan sa ila balay pagkatapos sang insidente.