By: Khenjo Terco | Via Aksyon Radyo Iloilo

Iloilo City– Nagsaka sa 49 ang kumpirmado nga mga kaso sang COVID-19 cases sa Western Visayas.

Suno sa Department of Health 6, 49 na ang confirmed cases as of 8:00 subong nga aga.

Sa 89 ka laboratory results nga gin-release kahapon, isa ang nagpositibo samtang negatibo ang 88 ka samples.

Si WV49 68-anyos nga lalaki nga halin sa Pandan, Antique.

Naga-home quarantine si WV49 nga close contact ni WV 39, 69-anyos nga lalaki nga halin man sa Pandan.

Si WV49 ang ika-anum nga COVID-19 patient sa Antique.Ikaduha man ini nga confirmed case sa Pandan.

Indi pa maestablisar kun may local transmission na sa Pandan, Antique suno kay Dr. Ma. Sophia Pulmones, head sang Local Health Support Unit sa DOH 6.

Wala sang travel history si WV49 apang may close contact kay WV39.

Wala man sang travel history si WV39 nga padayon nga ginabulong sa ospital bangud sang comorbidities ukon iban pa nga mga balatian.

Wala pa sang impormasyon si Dr. Pulmones kun upod sa balay ni WV39 si WV49.

Suno sa World Health Organization, madeklarar ang local transmission kun ang source of infection ara sa lang sa area of reporting sang confirmed case.

Suno naman kay Dr. May Ann Soliva- Sta Lucia, chief sang Local Health Promotions sang DOH6, kinahanglan indi man magnubo sa duha ang recorded confirmed cases kag halin sa nagkalain lain nga lugar ang mga COVID-19 patients para madeklarar ang local transmission.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply