ICPO, naka-record sang 1,194 curfew violators sa siyudad
By: Khenjo Terco | Via Aksyon Radyo Iloilo
Naka-record sang 1,194 ka curfew violators ang Iloilo City Police Office samtang ginapatuman ang Enhanced Community Quarantine sa siyudad as of April 17.
Suno kay Police Captain Shella Mae Sangrines, spokesperson sang ICPO nagapanguna sa may pinakamado nga violators ang City Proper nga may 276, ginsundan sang Molo nga may 220, Jaro nga may 219, La Paz nga may 183, Arevalo nga may 172, kag Mandurriao nga may 124.
Sa 1,194 nga curfew violators, wala pa diri nalakip ang mga violators nga nagkaladakpan kagab-i sa ginapatuman nga weekend block-off.
Sa mga violators naman sa weekend block-off, nagapanguna ang Mandurriao sa may pinakamado nga violators kagab-i nga naglab-ot sa 36, ginsundan sang Molo nga may 22, tag-duha sa Jaro kag Arevalo, kag isa sa La Paz.
Wala naman sang may nadakpan sa City Proper.