Residente sang Delgado, Maasin iloilo, nagreklamo nga ginbuhinan sang barangay sang P1,000 ang cash assistance nga ila nakuha sa Social Amelioration Program
By: Khenjo Terco | Via Aksyon Radyo Iloilo
Nagreklamo sa Aksyon Radyo Iloilo ang residente sang Barangay Delgado, Maasin Iloilo nga ginbuhinan sang P1,000 ang P6,000 nga cash assistance nga nakuha niya sa Social Amelioration Program sang gobyerno.
Suno sa tagreklamo ginpapirma sila nga P6,000 ang ila nakuha kag ginkuhaan sang litrato nga gina-uyatan ang kwarta.
Natingala siya sang pagguwa niya sa barangay hall sang ginbuhinan sang barangay treasurer sang P1,000 ang cash assistance nga iya nakuha. Wala man suno sa iya ginpaathag sang treasurer kun para sa diin ang iya ginbuhin nga cash.
Ginpahayag man sang tagreklamo nga indi lang siya kundi tanan sila nga nagkuha sang benefit ang ginbuhinan sang tag-P1,000.
Luyag lang sang tag-reklamo nga maathagan kun diin makadto ang ginbuhin sa ila.