By: JoMaque | April 20, 2020

Iloilo — Ginpanginwala sang New People’s Army nga may miembro sila nga napatay kag nadakpan sa engwentro sa Sitio Mayong, Brgy. Tordesillas, Sibalom, Antique kahapon , Abril 18.

Ginkumpirmar ni Lt. Col. Joel Benedict Batara, Commanding Officer sang 61st Infantry Battalion nga na-engkwentro sang ila tropa ang ginabanta 40 miembro sang Suyak Platoon, Southern Front, Komiteng Rehiyon-Panay sa Sitio Anoy, Barangay Cabalaunan, Miagao 10:20 A.M. kahapon.

Suno kay Ka Ilaya Kanaway, spokesperson sang Mt. Napulak Command, Southern Front Panay sang NPA, nakapreparar na ang ila yunit antes pa man sila tuyo nga lusubon sang 61st IB.

Ginpanginwala man sang NPA nga may nabilin sila nga mga pusil kag gamit sa lugar.

Nanindugan ang NPA nga mga sibilyan ang walo ka mga lalaki nga gindakop sang mga soldado.

Lunsay man sila pumuluyo sang Barangay Igpanulong, Sibalom, Antique.

Nagapamuhag sang putyukan ang mga mangunguma kag pamatan-on sang putyukan para makabulig sa ila palangitan-an suno kay Kanaway.

Ginpanginwala man sang NPA nga nagapang-recruit sila sang menor de edad.

Nagahimo sang training ang NPA sa nasambit nga lugar rason naghimo sila sang combat operation suno kay Batara.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply