By: Aine Grace Bravo | via DOH

ILOILO CITY, April 20, 2020 — May 52 na ka kaso sang coronavirus disease sa Rehiyon 6. Base sa record sang Department of Health 6, tatlo ang nadugang nga kaso subong nga adlaw.

Sa 201 ka specimen nga gin-test kag nagguwa ang resulta kahapon, 198 ang negatibo kag tatlo ang positibo–tanan naghalin sa Pandan, Antique–isa ang lalaki kag duha ang babaye kag lunsay may close contact kay WV Patient 39 nga taga-Pandan, Antique man.

Lunsay asymptomatic ang mga na-infect.

Iloilo province ang may pinakamadamo nga kaso sang COVID-19 sa Western Visayas nga may 18 kag ginsundan sang Antique nga may siyam na. Ang Bacolod City ang may pito ka positibo nga kaso, anum halin sa Aklan, anum halin sa Iloilo City, lima halin sa Capiz, isa sa Negros Occidental kag wala pa sang kaso ang Guimaras.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.