6 lalaki nga gindakup kasunod ang engkwentro sa Miag-ao, napasakaan na sang kaso — Miag-ao COP
By: JoMaque | Abril 21, 2020
Iloilo — Napasakaan na sang kaso ang anum ka lalaki nga gindakup kasunod sang engkwentro sa tunga sang mga ginapatihan NPA rebels kag mga soldado sang Philippine Army sa Brgy. Cabalaunan, Miag-ao sang Sabado, Abril 18.
Ginkumpirmar ni PCPT Joevito Bose hepe sang Miag-ao MPS, nga ginkasuhan sang illegal possession of firearms and explosives sanday Carlo Sentino, Jefferson Semillano, Jover Monsale, Russel Morado, Ryan Kirby Ayungon kag Romeo Esmediana nga lunsay mga residente sang Sibalom, Antique.
Gin-turn over naman sa social worker sang Miag-ao ang lima ka menor-de-edad nga kaupod sang anum kag gindakup sang mga soldado.