By: JoMaque | Abril 22, 2020

Iloilo City– Nagpositibo sa COVID-19 ang lima ka mga medical personnel sa Western Visayas.

Ini ang ginkumpirmar ni Dr. Renilyn Reyes, chief sang Public Health Program Development Cluster sa Department of Health 6.

Suno kay Dr. Reyes, tatlo ka mga doktor kag tag isa ka nurse kag radiologic technologist ang nagpositibo sa COVID-19.

Duha ka mga medical personnel nga nagpositibo ang halin sa Iloilo City kag duha man sa probinsya sang Iloilo.

May nagpositibo man nga medical personnel sa Aklan.

Lunsay nakabyahe sa Manila ang mga nagpositibo nga mga medical personnel.

Naka-recover na ang apat ka mga medical personnel nga nagpositibo.

Gina-verify pa ang status sang isa pa ka medical personnel nga COVID-19 patient.

53 na ang kumpirmado nga mga kaso sang COVID-19 sa rehiyon base sa data sang DOH6 as of April 20.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply