Liquor Ban sa Iloilo City, ginbalik ni Mayor Treñas

By: Aine Grace Bravo | via Jeremae Ventar

ILOILO CITY, April 22, 2020 –Ginabalik ni Mayor Jerry Treñas ang ban sa pagbaligya sang makahulubog nga ilimnon sa siyudad sang Iloilo.

Ini bisan pila ka oras pa lang nga nag-epekto ang iya executive order nga naga-modify sang liquor ban, ukon nagapahanugot sa pagbaligya sang makahulubog nga ilimnon pero ginadumili gihapon ang pag-inom sa guwa sang balay kag dapat gina-obserbar ang physical distancing.

Suno sa alkalde, nagdesisyon siya nga ibalik ang liquor ban bangud sang mga reports sang mga insidente nga naga-involved sang mga hubog ukon naka-inom.