By: JoMaque | Abril 22, 2020

ILOILO CITY – Indi dapat magkumpiyansa ang mga nadakpan nga may violation sa ginapatuman sang syudad nga enhanced community quarantine bangud sa COVID-19.

Suno kay Iloilo City Police Office spokesperson PCPT Shella Mae Sangrines, nakatutok pa sa subong ang mga pulis sa pagsiguro nga ginasunod ang ECQ guidelines.

Matuod suno kay Sangrines nga may mga violators sang ECQ guidelines nga ginpapuli lang anay, pero na-blotter sa police stations ang ila violations.

Ginpasiguro ni Sangrines nga pasakaan sang kaso ang mga violators kun matapos na ang COVID-19 crisis. Ginbuyagyag ni Sangrines nga may malapit 200 ka violators sila nga kasuhan pagkatapos sang krisis.

Sa mga curfew violators naman, naka-record ang ICPO sang 1,321 violators halin Marso 17 tubtob kagab-i, Abril 20.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply