By: JoMaque l April 24, 2020

Iimplementar sa probinsya sang Iloilo ang Modified Enhanced Community Quarantine pagkatapos sang Abril 30, kag posible nga magalawig tubtob Mayo 15.

Suno kay Iloilo Governor Arthur Defensor Jr., may mga establishmento nga pasugtan na nga makabukas apang indi tanan.

Lakip sa indi pa pagpahanugutan nga makabalik operation amo ang sinehan bangud madamo ang nagatipon sa amo nga lugar.

Ginakonsiderar man ni Defensor ang pagpahanugut sa pagbyahe sang public transport.

Magapabilin naman ang travel restrictions sa mga indibidwal halin sa iban nga probinsiya.

Economic loss ang gintumod ni Defensor nga rason sa pag-implementar sang Modified Enhanced Community Quarantine.

Matapos ang ginpalawig na nga ECQ sa Iloilo sa Abril 30.

Ginahulat sang Aksyon Radyo Iloilo ang i-issue nga Executive Order ni Defensor natuhoy diri para sa dugang nga impormasyon.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply