By: Khenjo Terco | Via Aksyon Radyo Iloilo

San Enrique, Iloilo—Pangayuan sang paathag ni San Enrique Mayor Trixie Fernandez ang taga-Department of Health kun ano ang sistema sa pagpaguwa sang resulta sang mga positive cases sang COVID-19.

Kasunod ini sang impormasyon nga may nagpositibo sa balatian nga taga-San Enrique nga gintadlong naman sang alkalde nga wala sa banwa ang pasyente kundi ara sa Manila.

OFW suno sa iya ang pasyente nga gin-test antes magpauli sa banwa apang natukiban nga positibo sa virus sang nag-guwa ang resulta.

Luyag mabal-an ni Fernandez kun ang ginapakita sang tracker sang DOH amo ang current location sang pasyente ukon ang banwa niya nga ginhalinan.

Makatuga sang panic sa mga pumuluyo suno sa iya ang indi maathag nga sistema sang DOH.

Una na ginkumpirmar ni Dr. Ma. Sophia Pulmones, chief sang Local Health Support Division sang DOH6 nga ginalakip sa data sang DOH6 sa COVID-19 Tracker ang mga confirmed COVID-19 patients nga taga Western Visayas bisan na-monitor kag na-record sa iban nga mga rehiyon.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply