By: JoMaque | April 27, 2020

Sta. Barbara– Patay ang 37-anyos nga lalaki matapos nalumos sa suba sa Brgy. Lacadon, Sta Barbara las 11 kahapon sang aga, Abril 26

Suno kay PSSg John Derson Sabio, ginkilala amg lalaki kay Antonio Corcino Jr. sang Brgy. Bagumbayan, Sta. Barbara.

Temprano pa sang naghalin sa ila nga balay ang lalaki upod ang iya mga abyan kag nagkadto sa balay sang iya nga tiyo sa Brgy. Lacadon kag natulogan siya samtang nagpauli una ang iya mga abyan suno kay PSSg Sabio.

Nag desisyon nga magpauli nalang ang lalaki kag nakibot ang iya nga tiyo sang naglumpat siya sa suba bangud siguro maligo.

Kabalo maglangoy ang lalaki pero posible nadulaan sang balance rasun nga nalumos.

Nagpangayo pa sang bulig ang tiyo sang lalaki sa mga residente bangud tigulang na ini kag indi na niya masarangan, pero wala na natabangan.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply