Suspek sa pagtiro-patay sa 65-anyos nga lalaki sa Dumangas, nagsungka sa pulis

By: JoMaque | April 27, 2020, 9:20pm

Iloilo– Nagsungka sa Police Station kagab-i ang suspek sa pagtiro-patay sa 65-anyos nga lalaki sa Brgy. Patlad, Dumangas sang Abril 25.

Suno kay Police Major Joven Arevalo, hepe sang Dumangas Police Station, nagpanago sa kahilamunan sa kaiping nga lugar ang suspek nga si Jeffry Vidal 44-anyos.

May nakapanugid sa pulis nga yara lang sa lugar ang suspek rasun nga ila gin-operate kun sa diin nagsurrender pamaagi sa iya nga tiya ang suspek

Daan nga hiligut-anon ang ginasundan nga angulo sang mga pulis sa kamatayon ni Fredie Erdite sang amo man nga lugar nga may pilas sang pagkatiro sa nagkalain-lain nga parte sang lawas.

Lima ka lupok ang nabatian ka mga residente bag-o nakit-an ang biktima nga pilason.

Desidido nga magpasaka sang kaso ang pamilya sang biktima sa suspek nga detain sa police station.