By: JoMaque | Abril 28, 2020

Iloilo City — Wala pa naka-coordinate sa opisina ni Malay Mayor Frolibar Bautista ang taga-Iloilo City Government ukon Iloilo Provincial Government agud papuliun ang mga taga-Iloilo nga na-stranded sa Malay bangud sang enhanced community quarantine.

Suno kay Bautista, base sa ila database, may 1,250 ka stranded workers sa Malay, kalabanan ang nagatrabaho sa Boracay Island. Wala sang ideya ang alkalde kun pila sa amo nga numero ang taga-Iloilo.

Ginpanugyanan ni Bautista ang local government units sang Iloilo nga magpaki-angut sa Public Service Employment Office sang Malay agud maproseso ang pagpauli sang mga taga-Iloilo.

Kinahanglan suno kay Mayor Bautista sang Certificate of Acceptance halin sa LGU nga pulian sang stranded worker. Gin-require ni Bautista ang Certificate agud masigurado nga may pulian ang stranded worker ukon batunon sa iya padulungan nga lugar.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply