By: JoMaque | Abril 28, 2020

Iloilo- Ginpalimpyo sang plaza ang mga quarantine violators sa Concepcion, Iloilo.

Lima ka mga Violators ang nadakpan sang Abril 26.

Suno kay Mayor Raul Banias, antes magpanglimpyo, gina pa-exercise ang mga Violators para maka warm-up.

Isa ka oras nga pag panglimpyo ang gina comply sang mga violators antes iturnover sa mga barangay officials.

Indi madamo ang mga naga-violate sa Quarantine law suno kay Mayor Banias bangud hugot nga gina-monitor sang LGU kag Pulis ang mga pumuluyo nga magtinir sa balay.

Sa mga sakayan nga halin sa Island barangays nga wala dala sang Quarantine pass, ginapabalik sila pauli.

Nagasunod naman ang nga pumuluyo suno kay Mayor Banias bangud padayon sila nga ginaremind sang LGU nga para ini sa kaayohan sang tanan nga indi matapikan sang virus.

Nagpanugyan naman si Mayor Banias sa mga pumuluyo sang Concepcion nga magsunod sa social distancing, mag stay at home, mag-gamit sang mask kag sundon ang curfew hours.

Gapahanumdom naman si Mayor Banias sa mga Barangay officials nga may responsibilidad man sila sa mga pumuluyo.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply