By: JoMaque | Abril 29, 2020

Iloilo – Suportado sang mga alkalde sa 5th district sang Iloilo ang pag-extend sang enhanced community quarantine sa Iloilo province tubtob Mayo 15.

Suno kay Concepcion Mayor Raul Banias, nagsapol ang Northern Iloilo Alliance Development (NIAD) nga ginabug-usan sang mga alkalde sa 5th district kag gin-istoryahan ang pag-extend sang ECQ.

Indi pa handa suno sa iya ang ila distrito agud bawion ukon pahalugan ang mga restrictions sa ECQ. Bawion lang ini suno kay Banias kun may kapasidad na ang health officials sa Iloilo para sa massive testing para sa COVID-19.

Ginpahibalo man sang alkalde nga magapadayon ang Quinto Sunday Total Quarantine ukon pagpasirado sa mga establisyemento kun Dominggo.

Hugot man gihapon nga ipatuman ang border control sa mga borders sang 5th district sa iban nga distrito kag probinsiya.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply