By: JoMaque | Abril 29, 2020

Iloilo – Pabor si Iloilo Governor Arthur Defensor Jr, sa desisyon sang COVID-19 Inter-Agency Task Force for the Management of Emerging Infectious Diseases (IATF) nga i-extend ang Enhanced Community Quarantine sa Iloilo Province tubtob Mayo 15.

Bangud sini, ma-sustenir suno kay Defensor ang nasuguran sang probinsiya nga mga tikang batuk sa coronavirus disease (COVID-19). Gin-ako niya nga alang-alang pa nga bawion ang ECQ bisan diutay ang local transmission sang COVID-19.

Gin-athag man niya nga halos wala sang deperensiya ang ECQ nga ginpatuman sa probinsiya sa mandu sang IATF nga ipaidalom sa ECQ.

Gindugangan lang suno sa iya sang IATF ang mga industriya kag serbisyo nga pwede maka-operate sa extended ECQ, pero kinahanglan gihapon nila ang ECQ pass agud makatrabaho.

Gin-athag man sang gobernador nga wala gihapon ginapasugtan ang public transport tubtob matapos ang extended ECQ sa probinsiya sa Mayo 15, magluwas lang kun gamiton sang mga LGUs nga shuttle sang mga frontliners kag na-practice sa gihapon ang social distancing.

Una na nga nagpangabay si Defensor sang kooperasyon bangud ginhatagan ang probinsiya sang kahigayunan nga sustineron ang naumpisahan batuk sa COVID-19. Padayunon suno sa iya ang pag-paumod, pasensya kag pag-pahimunong.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply