By: JoMaque | Abril 30, 2020

Sta. Barbara, Iloilo – Nagpadulong sa opisina ni Mayor Rema Somo sang Sta. Barbara ang babaye agud ibalik ang P6,000 nga nakuha sa Social Amelioration Program.

Sa panaysayon ni Mrs. Analiza Pudadera sang Barangay Inangayan kay Mayor Somo, naka-avail man ang iya bana sang P6,000 halin SAP sa Leganes, rason nga gibalik niya ang iya nakuha.

Las 5:00 kaina sang hapon, nagkadto sa opisina ni Mayor Somo si Pudadera upod ang ila Punong Barangay nga si Ricardo Bayog.

Nagabantay sang punong sa Leganes ang iya bana gani wala siya nagdumdom nga malakip man nga SAP beneficiary.

Ginpahayag man ni Pudadera nga bisan pigado lang sila, makonsensya siya kun indi pag-ibalik ang kwarta bangud nabal-an niya nga isa lang ang pwedi makabaton sa kada pamilya.

Gin-turn over naman ni Somo ang P6,000 sa MSWD Officer.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply