Checkpoints, liquor ban kag curfew, ipatuman gihapon sa Iloilo City sugod sa Mayo 1 — Mayor Treñas

By: JoMaque | Abril 30, 2020

ILOILO CITY — Ipabilin sa gihapon sa Iloilo City ang pila ka mga restrictions sa pagpaidalum sang siyudad sa general community quarantine (GCQ) sugod sa Mayo 1.

Suno kay Mayor Jerry Treñas, yara man gihapon ang mga checkpoints sa mga borders bangud may mga nagasulod sa siyudad halin sa iban nga probinsya.

Ipabilin man ang liquor ban base sa rules sang IATF.

Ginpaathag naman sang alkalde nga may 3 ka phases ang curfew: 8PM, 9PM, kag 10PM. Istoryahan pa suno sa alkalde kun paano i-implementar ang curfew.

Samtang, wala naman sang block off kun Sabado kag Domingo.

Ginakonsiderar naman sang alkalde ang pagdula sang quarantine pass bilang requirement sa mga taga-siyudad.