ECQ GUIDELINES NGA GINAPATUMAN SANG ILOILO CITY GOVERNMENT, I-IMPLEMENTAR GIHAPON SA EXTENDED ECQ

By: Aine Grace Bravo | via Firingline

ILOILO CITY, May 1, 2020 — Ipatuman gihapon sang City Government ang mga guidelines nga gina-implementar sa enhanced community quarantine, sa pag-extend sang ECQ sugod buwas, Mayo 1, tubtob Mayo 15.

Pero kun may ipaguwa nga bag-o nga guidelines ang national Inter-Agency Task Force on Emerging Infectious Diseases, ini na ang sundon sang syudad, suno kay Mayor Jerry Treñas.

Sa subong, magapabilin ang curfew, ECQ pass kag pagsuksok sang face mask kun magguwa sa balay, kag i-practice gihapon ang social distancing kag proper hygiene.

Pagasundon man ang policy nga “one per household” nga makaguwa sa balay.

PERO, indi na pag-ipatuman sang syudad ang block-off kada Sabado kag Dominggo.

Sa mga grocery stores kag supermarkets naman, dapat suno sa alkalde nga unahon nga akomodaron sa ila pagbukas ang mga senior citizens, mga nagabusong kag immuno-compromised antes pasudlon ang iban nga mga customers.

Magluwas sa Iloilo City, nalakip man nga gin-extend ang ECQ tubtob Mayo 15 ang Iloilo province kag Bacolod City sa Western Visayas.