By: Aine Grace Bravo | via Firingline

ILOILO, May 1, 2020 — Extended ang enhanced community quarantine sa Iloilo Province sugod subong nga adlaw tubtob sa Mayo 15, base sa mandu sang Inter-Agency Task Force for the Management of Emerging Diseases.

Nagpaguwa kahapon, Abril 30, sang Executive Order 110 si Iloilo Governor Arthur Defensor, Jr. may kaangtanan sa mga pagsulundan sa extended ECQ.

Mas komprehensibo kag masangkad ang kaundan sang 22 ka pahina nga EO bangud ginbutang ang status sang COVID-19 cases sa probinsya, lakip na ang evaluation sang Provincial Government.

Nakabutang man ang impact sang ECQ sa ekonomiya, kag kun ano nga mga adjustments ang ipatuman.

Ginpasugtan ang liwat nga pagbukas sang mga establisemento kag industriya sa agrikultura kag livelihood sector agud mabalik ang economic activities pero i-obserbar ang social distancing, kag gindugang ang mandatory testing sa COVID-19 kag pagtukod sang COVID Testing Teams sa mga district hospitals agud madugangan ang testing capacity sang probinsya.

Tubtob kahapon, may 20 ka COVID-19 cases lakip ang apat ka napatay sa Iloilo province.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.