By: JoMaque | May 3, 2020

Lima ka mga repatriated OFWs kag seafarers nga nag-abot sa Western Visayas sang Miyerkules, Abril 29 ang nagpositibo sa RT-PCR test suno kay Iloilo City Mayor Jerry Treñas.

Suno sa alkalde ini base pa lang sa inisyal nga mga resulta nga nagguwa—apat diri ang taga-Iloilo City samtang taga-Guimaras naman ang isa.

Ang announcement ginhimo ni Trenas sa meeting kahapon upod sa gobernador sang Iloilo.

Ginpahayag naman ni Governor Arthur Defensor Jr nga ginahulat pa ang resulta sang test sa mga taga-province nga upod sa nag-alabot.

Matandaan nga sa 35 ka taga-Iloilo nga seafarers kag OFWs nga nag-abot, pito ang nagpositibo sa virus sang gin-rapid test samtang duha naman sa lima ka taga-Guimaras ang nagpositibo man sa virus sang gin-rapid test.

Indi pa ma-establisar kun ang lima nga nagpositibo sa RT-PCR test nalakip sa siyam nga nagpositibo sa Rapid test.

Una na nagpabutyag si Mayor Treñas sang disappointment sa daw kasubong pagpabaya sang OWWA sa sitwasyon sang mga repatriates nga naka-quarantine subong sa hotel sa siyudad.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply