5 repatriated OFWs nga nagpositibo sa COVID-19, nasaylo na sa Western Visayas Sanitarium — DOH 6

By: JoMaque | May 5, 2020

Iloilo City – Naka-admit na sa Western Visayas Sanitarium sa Sta. Barbara, Iloilo ang lima (5) ka repatriated OFWs nga nagpositibo sa COVID-19.

Ini ang ginkumpirmar ni Dr. May Ann Sta. Lucia, head sang Health Promotions Cluster sa Department of Health 6.

Ginsaylo suno sa iya sa ospital ang mga pasyente kahapon, Mayo 3.

Sa lima ka mga repatriates, apat ang taga- Iloilo City samtang taga- Buenavista, Guimaras ang isa pa.

Sang Sabado, Mayo 2 sang nakumpirmar nga nagpositibo sa virus ang lima nga lunsay mga asymptomatic.