By: JoMaque | May 5, 2020
Gintay-og sang magnitude 4.8 nga linog ang Southeast sang Barbaza, Antique las 10:12 kagab-i, May 4.
Base sa record sang PHIVOLCS, may kadalumon ini nga 16 km.
Nabatyagan ang intensity III sa San Jose de Buenavista, Antique samtang intensity I naman sa Lezo, Aklan.
Naka-record man sang instrumental intensities ang PHIVOLCS sa pila ka mga areas sang Panay kag Negros Occidental.
Intensity III sa Malay, kag Malinao, Aklan; Culasi kag San Jose de Buenavista, Antique.
Intensity II sa Bago City, Negros Occidental.
Intensity I sa La Carlota City, Negros Occidental kag Iloilo City.
Tectonic ang origin sang linog.