By: JoMaque | May 5, 2020

Iloilo City — Indi kontrolado ni Iloilo City Lone District Congresswoman Julienne ‘Jamjam’ Baronda ang schedule sa pagpapauli sa mga repatriated Overseas Filipino Workers halin sa Manila pakadto sa Iloilo.

Ini suno kay Western Visayas Task Force on COVID-19 Spokesperson Atty. Roy Villa pagkatapos ginkumpirmar ni Baronda nga gina-facilitate niya ang pag-transport sa tubtob 50 ka mga OFWs halin sa Manila pakadto sa syudad kag gin-schedule ini subong nga semana.

Suno kay Atty. Villa, indi pa niya makumpirmar kun naka-coordinate si Baronda sa WVTF angut sa pag-transport sang mga OFWs kag kun ano ang papel sang kongresista sa lihok.

Sa nahibaluan ni Atty. Villa, nagabulig si Baronda sa pag-contact sa mga opisyal sa Inter Agency Task Force kag iban pa gid nga mga opisyal sang mga government agencies lakip ang paghatag sang pagkaun sa mga stranded OFWs.

Kinahanglan mag-coordinate sa WVTF bangud sila ang mag otoridad sa pag-transport sa mga OFWs.

Ginpahayag ni Baronda nga nag-coordinate siya kay Iloilo City Myayor Jerry Treñas sa pagtransport sa mga OFWs.

Nanindugan naman ang alkalde nga dapat indi na mag-intra ang mga wala labot sa pag-transport sa mga OFWs.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply