By: JoMaque | May 6, 2020

ILOILO CITY – Kumpiyansa ang DSWD 6 nga makahingagaw ang mga local government units sa pay-out sang cash assistance sa idalum sang Social Amelioration Program antes ang deadline nga Mayo 7.

Suno kay DSWD spokesperson May Castillo, sa 133 ka LGUs sa rehiyon, 40 na ang may 100% distribution. Ang nabilin nga LGUs, naka-distribute na sang 90% sang ayuda.

May mga LGUs suno kay Castillo nga naghingyo sang extension kag na-forward na ang ila request sa opisina ni DSWD Secretary Rolando Bautista.

Samtang nagalab-ut sa 4,299 ka complaints ang nabaton sang DSWD 6 sa bug-os nga rehiyon may kaangtanan sa SAP distribution, kag 3,749 diri ang naresolbar na. Ang nabilin nga mga reklamo, gin-refer sa grievance team sang DSWD 6 agud ma-validate.

Pagkatapos sang distribution, may liquidation pa nga himuon ang LGUs nga isumiter sa DSWD. I-validate naman sang DSWD kun may nag-doble nga nagbaton ukon kwalipikado gid man ang mga nagbaton.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply