IATF Antique, i-rekomendar ang ‘pag-lockdown’ sa bug-os nga Pandan pagkatapos sang panibag-o nga confirmed case sang COVID-19 – Antique Governor Cadiao

By: JoMaque | May 6, 2020

Antique — Irekomendar sang Inter Agency Task Force Antique ang pagpaidalum sang ‘lockdown’ sa bug-os nga Pandan pagkatapos sang panibag-o nga confirmed COVID-19 case sa banwa.

Ini ang ginkumpirmar ni Antique Governor Rhodora Cadiao.

Suno kay Cadiao, kun ipatuman ang lihok tubtob sa masunod nga semana, wala sang mahimo makaguwa sa ila mga panimalay sa Pandan magluwas sa mga barangay officials.

Wala man sang mahimo makasulod sa banwa.

Nagpasalig naman ang opisyal nga hatagan sang food subsidy kag iban pa gid nga mga kinahanglanon ang mga residente.

Posible magsugod bwas, Mayo 7, ang ‘lockdown’ kun magsunod ang LGU Pandan sa rekomendasyon sang IATF Antique.

Ang local police ang maga-implementar sang ‘lockdown’.