By: JoMaque | May 6, 2020

Gin-anunsiyar ni Department of Education Secretary Leonor Briones nga Agosto 24, 2020 ang napili nga school opening date sa pungsod.

Pero wala ini nagakahulugan suno sa iya nga dapat magkadto na tanan nga estudyante sa eskwelahan.

Puwede suno sa tiglikom nga virtual ang klase kag puwede man nga physical.

Ini suno sa iya ang nakasugtan sang Executive Committee kag Management Committee kag matapos ang konsultasyon sa 700,000 ka mga respondents kag partners.

Nasantu man ini suno kay Briones sa nasaad sa kasuguan nga nagasiling nga dapat sa tunga-tunga sang Hunyo tubtob Agosto ang pagbukas sang klase.

Na-report naman ini sa Inter-Agency Task Force for the Management of Emerging Infectious Diseases.

Nagapanguna naman nga kunsiderasyon suno sa tiglikom ang proteksyon kag kaluwasan sang mga estudyante.

Sa Abril 30, 2021 magatapos ang school year suno kay Briones.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply