By: JoMaque | May 6, 2020

Iloilo – Pahanugutan na nga makapauli sa Iloilo ang mga Ilonggo nga stranded sa mga probinsya sa Western Visayas.

Suno kay Iloilo Governor Arthur Defensor Jr, ang mga na-stranded sa probinsya sang Aklan, Antique, Capiz, Guimaras kag Negros Occidental, pwede na makapauli bangud ginakabig nga “low risk areas” sa COVID-19 ang nasambit nga mga probinsya kag ginpahamtang na sa General Community Quarantine ukon GCQ.

Kinahanglan lang suno kay Defensor nga sundon ang protocols sang tagsa ka local government units sa magapauli nga mga Ilonggos kalakip na ang istrikto nga pagpaidalum sa quarantine procedures.

Lunes, Mayo 4, ginsapol sang gobernador ang mga mayors sang probinsya agud mag-set up sang quarantine facilities agud mag-akomodar sa magapauli nila nga mga kasimanwa.

Nagapabilin nga ginpaidalum sa enhanced community quarantine ang Iloilo matapos gin-classify nga “high risk area” bangud sa pagsaka san numero sang COVID-19 cases.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply