By: JoMaque | May 6, 2020

Tubtob lang sa Mayo 8 mahimo maka-apply para sa Small Business Wage Subsidy Program.

Ang ini nga programa para makahatag ayuda sa mga workers sa formal sector nga kalabanan kabahin sang middle class.

Ang mga mahimo mag-apply amo ang mga magagmay nga mga negosyo nga indi kabahin sang listahan sang BIR Large Taxpayers Service.

Mahimo man maka-apply ang mga magagmay nga mga negosyo nga napilitan nga temporaryo nga magpanirado bangud sang enhanced community quarantine ukon ginpahanugutan nga mag-operate apang skeletal force lang.

Ang employer ang ma-apply sa ila mga empleyado paagi sa mga masunod:

METHOD 1: Paagi sa My.SSS account (via www.sss.gov.ph). Mahimo ini maobra sang mga pre-qualified nga mga employers nga may My.SSS account sa SSS website.For instructions, visit:https://sites.google.com/dof.g…/small-business-wage-subsidy…

METHOD 2: E-form submission paagi sa secure nga site (may ginapadala nga link ang SSS sa registered email sang employer). Mahimo ini ma-obra sang mga pre-qualified employers nga may email data sa SSS. Ginpadala sa ila email ang instructions sa pag-apply.

METHOD 3: File upload paagi sa secure site (Microsoft Excel file nga i-upload sa sbws.sss.gov.ph. Mahimo ini magamit sang mga employers nga pre qualified sa SBWS program. For instructions, visit:bit.ly/SBWSMethod3pdf
Sa Western Visayas, P6,000 ang mabaton nga ayuda kada bulan sa SBWS Program. Magalawig ini sang duha ka bulan.

Abril 30 ang una nga gintalana nga deadline sa pag-apply sa SBWS Program apang gin-extend ini sa Mayo 8 bangud wala nag-function ang website sang SSS sa diin una ginaproseso ang application.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply