By: JoMaque | May 6, 2020

Iloilo City–Nagpanawagan si Dr. Lea Belleza, spokesperson sang DepEd 6 kag regional focal person for private schools sa mga manunudlo sa pribado nga eskwelahan nga mangin flexible kag mangin “humane” sa mga estudyante subong nga may COVID-19 crisis.

Kasunod ini sang report nga may mga estudyante gihapon sa pribado nga mga eskwelahan nga ginapapasa sang ila manunudlo sang mga assignments paagi sa online kag may ara man nga dapat personal ipasa.

Sa subong nga panahon suno kay Belleza, dapat nga indi mabutang sa dehado ang kabataan kag dapat panumdumon gid ang para sa ila kaluwasan kag kaayuhan.

Nag-apelar siya sa mga pribado nga eskwelahan nga maghatag sang iban nga options kun indi available ang internet connection sa kabataan ilabe na ang mga natabuan nga nagpauli sa ila tagsa ka banwa.

Sa mga nagareklamo nga ginikanan suno sa iya, mas maayo kun lantawon ang handbook kag ipalab-ut ang concern sa manunudlo ukon sa school head kag sa PTA. Kun indi maresolbar sang principal ukon head sang eskwelahan, mahimo suno sa iya makig-angut sa pinakamalapit nga schools division.

Indi suno sa iya dapat pag-pinahan ang kabataan nga wala sang gadgets ukon internet kun indi sila makapasa sang ila assignments, “Ikaw nga teacher ikaw ang mangita paagi.”

Suno kay Belleza, ang DepEd ang naga-regulate sang private schools “in terms sa pag-grant sang permit and operations” pero “sa assessment kag patakaran sa lessons sa classroom, ila na ina ya.”

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply