Driver sang ambulansya, arestado sang nadakpan nga may karga nga kinarton sang makahulubog nga ilimnon sa Antique
By: Aine Grace Bravo | via Dave Bucayan
ANTIQUE, May 8, 2020 — Gindakup sang Hamtic Police si Emmanuel Marron, 33-anyos sang Barangay Olaga, Sibalom.
Suno kay Police Major Adolfo Pagharion, hepe sang Hamtic Police Station, ginsugo si Marron nga magsugat sang tatlo ka Person Under Monitoring sa Zarraga, Iloilo.
Nagapapuli na ang ambulansya sang ginpapondo sa border checkpoint sang Iloilo kag Antique. Sang gin-check sang police ang karga sang ambulansya, natukiban ang siyam (9) ka karton sang makahulubog nga ilimnon.
Gin-preso ang driver sang ambulansya sa Hamtic Police Station, pero gin-release makaligad ang 12 ka oras nga reglementary period of detention.
Ginpasakaan man sang kaso si Marron, suno kay Pagharion.