By: JoMaque | May 9, 2020

Sta. Barbara, Iloilo—Duha arestado lakip ang pulis sa quarantine control point sa boundary sang Sta Barbara kag Pavia nga may karga sang makahulubog nga ilimnon las 8:15 subong nga gab-i.

Suno kay Police Major Reymund Celoso, hepe sang Sta Barbara Police Station, halin sa Iloilo City kag papuli sa Brgy. San Sebastian, Sta Barbara sanday Police Staff Sergeant Paul Pingoy kag Adolfo Patiam Jr. sang ginpadulog sa checkpoint sa Cabugao Sur, Sta Barbara.

Nagpakilala si Pingoy nga pulis kag gin-usisa kun ano ang iya nga karga. Una niya nga ginhambal nga ice lang ang iya nga karga pero sang gin-check, natukiban nga kinarton sang makahulubog nga ilimnon ang iya nga karga.

Na-recover ang 30 ka karton sang makahulubog nga ilimnon. Preso sa Sta. Barbara Police Station ang duha kag magapangatubang sa kaso nga paglapas sa Article 151 ukon Disobedience in Relation sa Executive Order 110.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply