By: Khenjo Terco | Via Aksyon Radyo Iloilo

Ginpasalig ni San Miguel Mayor Marina Luz Gorriceta nga may komportable nga quarantine facility ang mga OFW nga ma-abot halin sa Manila nga residente sang banwa.

Ginpakamaayo sang alkalde nga sa quarantine facility sang banwa i-isolate ang nag-abot nga OFW agud nga makapahuway siya sang insakto. Ginapanan-aw niya nga posible mag-gutok sa hotel sa siyudad sang Iloilo ang mga OFWs kasunod sang bag-o nga batch nga nag-abot subong nga adlaw. Ini ang isa sa mga rason sang alkalde kun ngaa nagdesisyon siya nga sa banwa na lang i-quarantine ang repatriated OFW nga taga-San Miguel nga upod sang nag-abot nga batch.

Ginpahayag ni Mayor Gorriceta nga na-check sang taga-DPWH kag sang taga-DOH ang ila quarantine facility.

Ginpasalig niya man nga hatagan sang nagakaigo nga assistance ang OFW.

Madul-ungan pa sang pagkaon kag mabisita sang iya pamilya ang OFW kun sa San Miguel mapatapos sang quarantine period. Gin-athag niya man nga bisan pwede mabisitahan, indi pwede mapalapitan sang iya pamilya ang OFW.

*Interview with San Miguel Mayor Marina Luz Gorriceta

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply