Iloilo City — Gin-relieve halin sa Regional Intelligence Division sa Police Regional Office 6 ang pulis nga nakuhaan sang kinarton sang makahulubog nga ilimnon sa border control sa Barangay Cabugao Sur, Sta Barbara.

Ini ang ginkumpirmar ni Lt. Col Gilbert Gorero, acting chief sa Regional Plans and Strategy Management Division sa PRO6.

Suno kay Gorero, Mayo 9, gin-issue ni Colonel Lope Manlapaz , chief sang Regional Personnel and Records Management Dvision ang relief order kay PSSgt. Paul Pingoy.

Halin sa RID, gin-assign si Pingoy sa Regional Personnel Holding and Accounting Unit.

Ginpasakaan na sang kaso kriminal si Pingoy lakip ang upod niya nga si Adolfo Patiam Jr.

Imbestigaran man si Pingoy sang Regional Investigation and Detective Management Division para sa kaso administratibo nga posible ipasaka batuk sa iya.

Preso kanday Pingoy kag Patiam sa Sta. Barbara Police Station.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply