By: JoMaque | May 13, 2020

Aklan– Gindakop sang pulis ang habal-habal driver sa Barangay Yapak, Malay nga nag-post sa Facebook sa pagtanyag sang P100-Million sa makapatay kay ‘Duterte’.

Suno kay Lt. Col. Gervacio Balmaceda Jr, chief sang CIDG6, nakabaton sila sang impormasyon halin sa ila Central Office angut sa Facebook post sang suspetsado nga si Ronald Quiboyen kag gilayon nga nag-conduct sang operation.

Inciting sedition ang post sang suspetsado suno kay Balmaceda.

7:00 kagab-i sang nag-conduct sang operation ang CIDG, RACU, kag Malay Police.

Wala naman nagbato si Quiboyen sang gindakop.

Suno kay Balmaceda, may kaakig ang suspetsado kay Presidente Rodrigo Duterte bangud sa issue sa COVID-19.

Preso sa CIDG-Aklan si Quiboyen kag natalana pasakaan sang paglapas sa Article 142 in relation sa Cybercrime Prevention Act of 2012.

Ginatinguhaan pa sang Aksyon Radyo Iloilo nga makuhaan sang pahayag ang suspetsado.

May gindakop man ang NBI kahapon nga manunudlo sa Dagupan nga nag-tweet naman sa iya pagtanyag sang 50-Million sa makapatay sa presidente.

Ano ang inciting to sedition?

Base sa Art. 142 sa Revised Penal Code, ang inciting sedition amo ang pagpakigbahin sa publication ukon circulation sang scandalous libels batuk sa government authorities, nga maka-apekto sa pag-obligar sang opisyal sa iya mga responsibilidad.

Prison correccional tubtob sa iya maximun period kag multa nga indi maglampas sa P2,000 ang i-impose sa indibidwal nga wala sang direkta nga kaangtanan sa sedition, nga maga-impluwensiya sa iban sa paghimo sang sedition paagi sa speeches, proclamations, writings, emblems, cartoons, banners, ukon anuman nga representation nga may kasubong nga resulta.

Amo man ang penalty sa indibidwal nga magahimo sang seditious words ukon speeches, publish, ukon palapta sang scurrilous libels batuk sa gobyerno, ukon sin-o man nga otoridad sa gobyerno nga mahimo maka disturb ukon obstruct sang sin-o man nga lawful enforcer sa pag-obra sang iya responsibilidad , ukon mag-instigate sa iban agud magsapol para sa unlawful purposes, ukon maga-suggest ukon incite rebellious conspiracies ukon riots, ukon maka-apekto sa publiko sa pagtublag sa kahilway sa komunidad, sa safety kag order sa gobyerno.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply